Biyernes, Setyembre 2, 2011

Just do it!

Marami sa atin ang hindi sanay mag-almusal, ang iba ay kuntento na sa kape lamang. mali yan. Mahalaga sa ating katawan ang almusal sapagkat ito ang gigising sa ating sistema upang magkaron tayo ng produktibong araw, yun bang hindi tayo lalamya lamya sa kahit na ano pa mang gawain. Dapat mong malaman na kapag  tayo ay natutulog ay bumababa ang ating metabolism, kaya naman kailangan nating kumain ng almusal upang palakasin ito. Meron diyan hindi kakain ng almusal para daw mabawasan ang calories at ang timbang, mali din yan, dahil sa oras na kakain ka na ay tiyak na mapaparami ang kain mo, eh di wala rin. Nasa disiplina lang yan.

Habang tumatanda tayo nag-iiba ang kondisyon ng ating katawan. Kung hindi natin bibigyang-halaga ang ating kalusugan madali tayong tamaan ng sakit. Maaari ring lumobo o bumigat ang ating katawan kung wala tayong disiplina sa pagkain. Isang sagot ang pag-eehersisyo. Paraan ito upang mabawasan ang risk sa pagkakaroon ng chronic disease sa matatanda, kaya dapat silang mag-exercise at least 30 minutes sa tamang activity kada araw on most days of the week. Sa mga bata, dapat ding mag-exercise at least 60 minutes kada araw sa loob ng isang linggo.Kapag mas energetic ang activity at mahaba itong ginagawa, mas magiging malusog tayo. Pero, sabi nga every little bit counts. Heto subukan mo, ilan lang ito sa mga exercise na madali at kayang gawin. 
 

- Pagkatapos mag-almusal maglakad-lakad sa loob ng sampung minuto. Isang paraan ito upang maging buhay ang iyong dugo sa buong araw. Maaari ring gawin ito pagkatapos mag-lunch at dinner. Mas maganda kung gagawin ito kasama ang buong pamilya o kaibigan. Kainaman pa sa gawaing ito ay hindi lalaki ang bilbil mo.
 

- Igarahe ang iyong sasakyan sa di kalayuan para makapaglakad papunta sa inyong trabaho.
 

- Sa paglalakad maaaring isama ang iyong alagang aso.
 

- Maaari ring kumilos habang ikaw ay nasa inyong bakuran o hardin.
 

- Maglakad ng may kabilisan kung ikaw ay nasa loob ng mall.
 

- Sa halip na mag-elevator, maghagdanan na lang.

- Kung nasa bahay lang, maaaring mag-aerobic na mag-isa sa pamamagitan ng panonood sa you tube, piliin ang mga step at routine na kaya mong gawin. 

Gawin mo na habang malakas ka pa, maaaring manibago ka sa una pero sa katagalan ay masasanay ka rin naman, kailangan mo ito upang magkaroon ng malakas at malusog na pangangatawan.

4 (na) komento:

  1. thanks doc era :) mahilig naman ako maglakad lalo na pag gumagala kahit maghapunan pa yan keri lang :P

    TumugonBurahin
  2. naku ate era napaka-informative tlaga ng mga akda mo. Nahiya naman ang bilbil ko, dahil swak na swak ang sinabi mo na kape lang ako sa umga dahil na rin sa pagmamadaling pumasok at tamad at wala akong talent sa pagluluto. Minsan wala ding lunch at pagdating ng hapunan eh kaing kargador ang eksena ko. Kaya naman hindi nakakapagtaka na naging doremon na ang itsura ko. Ung paglalakad eh araw-araw kong ginagawa yan dahil malayo ang opisina. Sana makapag-excercise ako... mukhang post na ito... ehehe


    salamat ate era sa maganda at informative na akda! Aja!

    TumugonBurahin
  3. oo nga madz, active ka naman talagang tunay kaya proportion ang katawan mo. ako ngayon na lang naging aware sa mga health issues dahil nato-trauma ako sa mga kaganapan ngayon dito sa bahay, akalain mong ang nanay kong pagkalakas lakas eh bigla na lang hindi makalakad waaah :(

    TumugonBurahin
  4. oy bunso di mo naitatanong peborit ko yang si doraemon kasi lahat na yata ng bagay sa mundo ay makukuha sa katawan niya hehehe... mag-aalmusal ka lian ha :)

    TumugonBurahin

perfect : )