TANGING INA PARA SA NATATANGING ANAK...

Alay sa isang kaibigan...


Sa isang inang nagdurusa sa kakaibang kalagayan ng kanyang mahal na anak, napakahirap... ngunit dahil sa kanyang pag-ibig at tibay ng pananampalataya, magagawa niya ang lahat upang maging malakas at matatag...upang maitaguyod ang anak na pinagkaitan ng kalayaang makihalubilo sa mundo ng reyalidad. Ano pa man, ito ay biyayang kaloob sa kanya ng maykapal...


Isang batang pagal ang pakiramdam sa mga hamon ng buhay 
isang batang sa simula pa lamang ay nais nang takasan ang katotohanan
isang batang walang pakialam sa mapanuring lipunan
isang batang may sarling mundo...

Kung susuriing mabuti, mapalad ang batang ito sapagkat hindi niya nararamdaman ang bawat dagok ng buhay. Hindi niya nararanasan ang mga kasinungalingang dulot ng mapanghusgang lipunan. Hindi niya mauunawaan ang ano mang sasabihin mo laban sa kanya, ngingiti lamang cya sa iyo sapagkat yun ang naaayon sa kanyang munting mundo...

Ano ba ang damdamin ng lipunan sa mga batang may ganitong uri ng kapansanan? Marami sa atin ang nagtatawa kapag nakakakita ng batang kakaiba ang kilos, iniiwasan at pinandidirihan na tila may sakit na nakakahawa. Sadya bang may mga taong kumpleto sa pag-iisip ngunit salat naman sa pang-unawa? TAO, baka nakakalimutan mo, sila man ay lalang ng diyos at bahagi rin ng lipunang ginagalawan mo. Baguhin mo ang pananaw mo, wag kang magtawa sapagkat sa darating na mga araw maaaring mangyari din sayo ang sakit at hirap ng kalooban na nararanasan ng magulang ng batang ito...

OB-GYNE student (OJT) sa EAST AVE. MED. CENTER finger dito finger dun...

Yan ba turo sa inyo ng professor nyo, ang mamingger ng mamingger ng mga babaeng pasyente?


April 27,2011 bumalik ang kaibigan ko sa EAMC para dalhin ang resulta ng ultra sounds. Bumiyahe ng madaling araw mula san jose del monte bulacan makarating lang ng maaga sa ospital. Pagdating niya number 4 cya sa pila, hanggang sa dumami na sila. Mula ala sais ng umaga naghintay cya hanggang ala una, sa wakas natawag rin ang pangalan niya. Positive ang resulta, may myoma cya. Maya maya pa may pumasok na anim na inakala niyang mga doktor nung una. Salitan ang anim na "doktor" sa pag-fingger sa kanya, masakit na ang bahaging yun ng katawan niya pero di niya magawang magreklamo dahil gusto niyang gumaling, inaakala niyang  normal na proseso lang yun at bahagi ng check up sa kanya. Alas kwatro ng hapon sinabi sa kanyang i-aadmit cya dahil kulang daw cya sa dugo, kailangan niyang masalinan sa lalong madaling panahon pero ang siste, sa pasay pa daw mabibili ang dugong isasalin sa kanya. Wala naman cyang kasama ng mga oras na yun dahil di naman niya alam na ganon ang magiging sitwasyon. 


Nagtaka ako base sa kwento niya, naisip ko.... nalalaman na pala ngayon sa pamamagitan ng pag-finger kung kulang sa dugo ang isang pasyente... ibang klase.... may bagong paraan na pala ngayon ng pagbi-BP... pusang inesss!!!


Alas syete ng gabi wala na yung anim na pumingger sa kanya, may mga sumisilip at lumalapit sa kanya na hindi niya malaman kung sino ang totoong doktor at kung sino ang estudyante, mga bagong mukha na, nagpalit na siguro ng shift...Nag-alala cya baka dalirutin na naman cya ng mga bagong mukha na yun, tumayo na cya at nagbihis, dire diretsong lumabas at nagmamadaling lumayo sa ospital. Na-trauma ang pobre, sumumpa sa sariling hindi na uli babalik pa sa nasabing ospital.


Kinaumagahan nagising cyang masakit ang puson at hirap umihi, binalisawsaw ang kawawa kong kaibigan. Nagpunta cya sa center para humingi ng gamot, nagpa-BP na rin... ang resulta 120 / 90, normal at hindi kulang...


Actually dyan sa ospital na yan ko ipinanganak ang aking unica iha maraming taon na ang nakalipas. Hindi dahil sa kakapusan kundi dahil espesyal ang kaso ko, mula sa V. Luna Hospital ay itinakbo ako sa EAMC dahil lalabas na ang anak ko at kakailanganin niya ng incubator. Kapag nasa ospital ka di mo malalaman kung sino ang doktor at kung sino ang estudyante dahil halos isa lang ang kulay ng uniporme. Naka-encounter din ako ng isang bastos na ob-gyne na kung di lang ako nakapagpigil eh baka nasipa ko sa mukha...


Bagamat may mga matitinong nurse at doktor na maganda ang trato sa pasyente, meron ding bastos at walang respeto sa karapatang pantao. Ganito ba talaga ang kalakaran sa mga pampublikong ospital? Kaya nga tayo may pagamutan para sa mga mahihirap na pilipino na minalas lang magkasakit eh matatapat pa sa mga estudyanteng wala namang modo , na nagsasamantala lang sa mistulang baboy na pasyente, Dobleng pahirap pa tuloy ang naranasan ng kawawa kong kaibigan, Hirap ng bulsa at kaisipan dahil sa sakit na natuklasan at hirap ng kalooban dahil sa masamang karanasan...

ONE NIGHT STAND w/ ERA

Last august naimbitahan ako sa isang solidarity night sa isang hotel jan sa antipolo. Past 1 na natapos yung kasiyahan, marami pa namang masasakyan at may kasabay naman ako hanggang ali mall. Naghiwalay na kami pagbaba at naglakad ako papuntang aurora blvd. Biglang bumuhos ang ulan na kanina pa nagbabadya, lampas na ko sa terminal ng bus, wala ako choice kundi sumilong sa maliit na waiting shed. May lalaking tumatakbo papunta sa direksyon ko. "Anak ng... dito pa pumwesto tong kumag na to" sa isip isip ko. Panay lingon nung lalaki sakin, di ko malaman kung nalalakasan sa apil ko o gustong humingi sa kinakain ko. Di naman cya mukhang gutom at in fairness, may itsura ha. Tagal tumila ng ulan, buti na lang walang kasamang malakas na hangin,, Dasal ko sana may dumaan ng byaheng lagro. Basa na laylayan ng pantalon ko pati rubber shoes ko, pareho kami nung lalaking walang tigil sa kalilingon sakin, kaka-konpyus naman tong mama na to... pasimple kong nilabas ang salamin ko at tiningnan ko kung ano ba itsura ko, hindi naman ako mukhang nagbebenta ng aliw, bat di nalang kaya cya pumunta dun sa harap ng ACT theatre kung naghahanap cya ng ligaya, ang cheap... Pasado alas tres na pala masakit na binti ko, mahigit dalawang oras na ko nakatayo. May parating na jeep byaheng philcoa lang, huminto sa tapat namin. Biglang nagsalita yung lalaki nakangiti "maiwan na kita miss salamat sa one night stand!" Impaktong yun....#&%$^@!!!!

BABAE... nang makabagong panahon

Ang paglabas sa kahon ay hindi nangangahulugan ng pagwawala, bahagi ito ng ating pag-unlad bilang tao, bahagi ito ng ating pagkamulat tungo sa reyalidad. Noon madalas na inihahalintulad ang babae sa kalikasan, sabay na pinagsasamantalahan ang kalikasan at kababaihan. Sa patriyarkiya ang babae ay inihahalintulad kay maria clara, paloob na pag-iisip... mistulang talunan...


May naalala akong kwento tungkol sa isang dalagang nagmula sa angkan ng mga relihiyoso at konserbatibo. Atas marahil ng kuryosidad, ang dalaga ay humarap sa salamin ng hubot hubad, umikot ikot at tumuwad tuwad, nagulat nang mabuglawan ng kanyang ina sa ganong itsura. Nagbihis ito ng hindi nagsasalita, alam niya na ang susunod na eksena, 3 ama namin, 3 aba maria at 3 santa maria ang kaparusahan sa ginawa niya.


Bilang babae sa kasalukuyan, hindi hadlang ang pagiging moderno sa mga lumang nakagawian, Hindi komo nakasuot ng short at spaghetti strap ay di na virgin. Hindi komo maharot at malakas tumawa ay malandi na, masayahin lang siguro yung tao. Unfair sa mga modernong kababaihan na husgahan ng dahil lang sa makapal ang lipstik nito at pakendeng kendeng kung maglakad. Eh ano ba magagawa nyo kung talagang sexy kami? Ano ba pakialam nyo kung labas ang likod at pusod namin? Di naman kayo ang malalamigan...


Sa mga babaeng tulad ko ito ang tandaan nyo, palayain nyo ang sarili nyo, lumabas kayo sa kahon at ipakita sa mundo ang kagandahan at kakayahan ninyo. Wag kayong matakot na ipahayag kung ano ang nararamdaman nyo. Hindi natin kailangang makipag kumpitensya sa mga kalalakihan. Ang lalaki ay minamahal at hindi kinakalaban, igalang natin pero hindi dapat katakutan. Kung kaya nilang manligaw eh kaya din naman natin. Paano kung torpedo yung lalaking gusto mo? Mapapanis ka neng, kahit maglupasay ka hindi yan gagawa ng move. Lakasan mo loob mo o kaya uminom ka ng isang basong matador, pag bangenge ka na aylabyuhin mo na, ganon lang kasimple. Wag kang mag-alala dahil hindi kabawasan sa pagkababae ang sabihin sa lalaking napupusuan mo na gusto mo cya, make sure na hindi mababalahura ang pagkababae mo...

MAY FREE TASTE BA SA PAG-IBIG?

Ano?   Umiibig ka na naman? Awwwts...

Napakaraming mukha ang pag-ibig, alin kaya dun ang pag-ibig mo? May pag-ibig ba talaga sa mundong ito? Napatunayan na ba ng science na may pag-ibig? Hindi ba't sa puso nagmumula ang pakiramdam na ito eh bakit yung iba nagpapahula pa sa quiapo para lang malaman kung may darating na pag-ibig? Yung iba aalamin pa horoscope nila for the day tungkol sa pag-ibig? Alin ba talaga ang dapat paniwalaan, yung manghuhula, yung horoscope o yung sinasabi ng puso? Ang guloooo...

Ano ba ang espesyal sa pag-ibig, bakit sa tuwina na lang eh hinahanap hanap natin ito? Hindi naman assurance yung pag inlove ka eh sasaya na ang buhay mo to the maximum level. Marami nga jan ang broken families, hiwalay, may kabit, nagulo ang buhay dahil sa maling pag-ibig. Parang nag-sawa na yung iba sa happy ending kaya kumakabit na lang, mas may thrill nga naman. At least sila nag-iibigan kahit nakikisosyo lang eh ikaw, naiiwan ka na sa ere neng at nag-iisa sa tunay na buhay....

Napakaraming komplikasyon ang pag-ibig, daming nasasayang na luha at salita pero hanggang ngayon hindi pa rin nasasagot ang katanungan ng nakararami kung bakit natin kailangang umibig. Bakit nga ba? Aba eh anong malay ko....
Diyata't mas mainam kung FREE TASTE na lang, wala ka pang iintindihin, wala ka pang poproblemahin. parang nasa supermarket ka lang, titikim ng FREE TASTE at reresbak pag nasarapan, lilipat naman sa iba kapag hindi nagustuhan. Ayos ah parang robot lang, walang damdamin.... Meron nga bang FREE TASTE  pagdating sa pag-ibig???  Haler!!!

NAKAKATUWA NAMAN =))

Naaliw ako ng sobra ngayong araw na to, maghapon ako tumambay sa site ni kulisap, sakit tiyan ko sa kakatawa. Nadagdagan na naman ang bagong kakilala at may natutunan na rin ng konti (kung pagkatuto ngang matatawag yun hehehe...) Iba ibang pangalan, iba iba rin ang karakter, feeling ko nawiwindang sila sakin pag bumabanat ako ng eksreyted. Kung alam lang nila nahihiya pa ko nun waaahahaha =)) =)) =)) Bagong karanasan para sa isang adik na tulad ko. Di ko man lang naisip noon na magkakainteres ako sa pagba-blog, feeling ko kasi noon para lang sa mga intelektwal ang blogsite, pwede rin pala sa isang hunghang na tulad ko, akalain mo yun...

Nakakatuwa kasi talagang tuwang tuwa ako as in...
Nakakatuwa kasi naibabahagi ko na ngayon ang laman ng puson at damdamin ko
Nakakatuwa kasi napag-alaman ko mababait pala ang mga bloggers, hindi sila nagmamaganda
Nakakatuwa kasi kahit alam kong malaman sila hindi sila nagmamagaling...

Isa lang ang di nakakatuwa.... nasunog ang sinaing ko dahil sa sobrang tuwa ko waaa : (

MUSCLE CONTROL dilisyus daw???

Masarap nga daw sabi ng ex ko, para daw cyang hinihigop pailalim, nahugot na't lahat eh nararamdaman pa rin daw niya, malay ko naman... Ano nga ba ang muscle control? lahat tayo ay meron nito at araw araw natin itong ginagawa ng hindi natin namamalayan, bahagi ito ng galaw ng katawan natin, sa parte ng katotohanan at kasinungalingan. Kapag umebs o dyuminggel tayo ay gumagana ang muscle control natin. At kapag ginamit ito ng babae sa pakikipagseks, tiyak sasabihin sa kanya ng jowa niya, "will u marry me?" Sa ating mga babae hindi mararamdaman yun pero napakalaking factor para mabaliw sayo ang lalaki, lalo na kung ang lalaki ay nasa puson ang utak =)) Talent ito para sa ating mga babae, kailangan lang na ipraktis ng mabuti ng hindi lang doon naka-focus ang atensyon mo habang nagsi-seks kayo ng partner mo.